Urdu Shairy | Urdu Ghazals | Famous Poets | Love Poetry

Blog Of Urdu Poetry Contain Urdu Ghazals, Love Shayari, Sad Urdu Poetry, Romantic Urdu Poetry, And Famous Urdu Hindi Poetry By Famous Pakistani And Indian Poets.

Monday, January 31, 2011

Jin Rahon Pe Ik Umer - Sad Ghazal


Jin rahon pe ik umar tere sath chaly hum
Arsa hua wo rasty sunsaan bohat hain

Mil jao k kabhi Lout k Phir aaun na shayed
Kamzor hun main, rah mein toofan bohat hain

Ek tum hi Nahi meri Judai main Pareshaan
Hum bhi to teri chah main veraan bohat hain

Is tark-e-wafa pe mein usey kesy bhula dun
Mujh par abhi us shakhs k Ehsan bohat hain

Bhar aaey na Aankhain to main ik baat bataun
Ab dunya se juda hone k imkaan bohat hain

Hawa K Zour Se - Ahmed Faraz



Hawa k zour se pindaar-e-baam-o-dar bhi gaya
Chiragh ko jo bachate the, un ka ghar bhi gaya

Pukarte rahe mehfooz kishtiyun waale
Main Doobta hua darya k paar utar bhi gaya

Ab ehtiyaat ki diwaar kya uthate ho
Jo chor dil main chupa tha wo kaam kar bhi gaya

Main chup raha k is main thi aafiyat jaan ki
Koi to meri tarah tha jo daar par bhi gaya

Sulaghte sochte weraan mausamon ki tarah
Kara tha ehad-e-jawani magar guzar bhi gaya

Jise bhula na saka us ko yaad kya rakhta
Jo naam dil main raha zehan se utar bhi gaya

Phati phati huye ankhon se yun na dekh mujhe
Tujhe talash hai jis ki wo shakhs mar bhi gaya

Magar falak ki adawat ussi k ghar se na thi
Jahan "Faraz" na tha sayel-e-Gham udhar bhi gaya

Muhabbat Kam Nahi Hoti Beautiful Poem

Muhabbat Thehar Jaati Hai

Hum aksar ye samajhte hain
Jise hum pyar karte hain
Usse hum chor sakte hain
Magar! Aisa nahi hota
Muhabbat Daimi such hai
Muhabbat tehar jaati hai
Hamari baat k ander
Hamari zaat k ander
Magar ye kam nahi hoti
Kisi b dukh ki soorat main
Kabhi koi zarorat main
Kabhi anjaan se gham main
Hamari ankh k ander
Kabhi aab-e-rawaan ban kar
Kabhi qatre ki soorat main
Muhabbat thehar jaati hai
Ye hargiz kam nahi hoti

Talluk Torta Hon - Ghazal By Adeem


urdu poetry ghazal adeem

Iqbal Tere Dais Ka Kya Haal By Meer Ul Islam Hashmi

Iqbal Tere Dais Ka Kya Haal Sunaon

Meer ul Islaam Hashmi

iqbal tere dais ka Allama iqbal poetry

Sunday, January 30, 2011

Reza Reza Sapnon Wale - Nice Ghazal



Reza Reza Sapnon Waale, Toote Chehre Aadhe loog
Jaan waale kab aatae hian, kyun karte hain waade loog

Aas main Bethi Shehzadi ki, maang main Chaandi jhank chuki
Itni dair se kyun Aate hain Aakhir ye Shehzade loog??

Piyar ki raah pe ungli thaame, andha'dhund chal parte hain
Na Samjhi main mar jaate hain, hum se Seedhe sadhe loog

Hum dono main kon hai mujrim, ye tey hona Mushkil hai
Aadha Shehar tha haami uska, sath the mere Aadhy loog

Ik Baar Muskurado By Munni Begum


Ik Baar Muskurado

Famous Ghazal By Munni Begum


Firdoos jhoom uthe, fiza muskura uthe
Tum muskura utho to, Khuda muskura uthe
Ik baar muskurado, Ik baar muskurado
Afsana-e-Chaman ka
Unwan hi badal do
Pholon ka sar kuchal do
Kaliyun ka dil masal do
Aakhash ki jawani
Badal main mun chupaye
Mahtaab doob jaye
Taron ko nend aaye
Zohra jabeen pari rukh
Tamseer-e-Mah o anjum
Ankhen sharaab aahen
Jazbaat main talatum
Hilte hue labon per, hasta hua tarana
Aye dil Nawaz pekar, khatir main hai zamana
Lab haye rehbari per
Nikhri hue hai laali
Ye halki halki surkhi
Tasweer hai shafaq ki
Awara shokh zulfen
Rukhsaar choomti hain
Bekhud hi ghoomti hai
Ho zeest ka sahara, tum mouj main kinara
Lakin suno Khudara,
Ik baar muskurado, Ik baar muskurado
Ik nojawan musafir,
Fitrat talaat baali
Ik aalam-e-junoon main
Ik simt jar raha tha
Jese k apne dhun main
Parbat pe charh raha tha
Zulfen k muntashir thi
Chehre se muzmayen tha
Nazren k rah per thi
Ik nashikast-e-dil tha
Maazi k ghonghaton main
Ik aks pa raha tha
Bhoola hua zamana
Phir yaad araha tha
Armaan tarap rahe the
Hasrat machal rahi thi
Betaab zindagani, karwat badal rahi thi
Gin gin taare haye bechare
Chen na aaye, jee ghabraye
Dekh to kya hai, kon basa hai
Deeda-e-tar main, Niche nazar main
Shisha-e-dil main, ankh k til main
Dil ko jalana khel hai janan,
Dil ko jala kar, aag laga kar
Khud bhi jaloge, hath maloge,
Tum shama-e-Firozan ho
Khud bhi jalo jalado lakin
Ik baar muskurado, Ik baar muskurado
Tum jaan-e-mudah ho
Ik husn-e-dil ruba ho
Itna to main kahonga
Mere hi is ghazal ka
Rangeen kafia ho
Ik baat tum se pochon?
Bolo jawaab doge?
Ye husn ye jawani
Sarkaar kya karoge?
Honton ki muskurahat,
Becho khareed longa
Manzoor ho to bolo
Anmol daam donga
Lakin
Ik baar muskurado, ik baar muskurado

Andhi Ankhon Wala Gidh - Urdu Ghazal




Faiz Ahmed Faiz Ghazal - Kabhi Kabhi Yaad Main



Kabhi kabhi yaad main ubharte hain naqsh-e-maazi mite mite se
Wo aazmaish dil-o-nazar ki, wo qurbaten si, wo fasle se

Kabhi kabhi aarzu k sehra main, aa k rukte hain qafle se
Wo saari baten lagao ki si, wo saare unwaan wisaal k se

Nigha-o-Dil ko qarar kesa, Nishaat-o-gham main, kami kahan ki
Wo jab mile hain, to un se har baar, ki hia ulfat naye sire se

Bohat giran hai ye aish-e-tanha, kahin sabak tar, kahin gawara
Wo dard-e-pinhan k sari dunya, rafiq thi jis k waste se

Tumhe kaho, k rind-o-mustahib main, hai aj shab kon fark aisa?
Ye aa k bethe hain mekade main, wo uth k aaye hain makade se

Saturday, January 29, 2011

Matah-e-Shaam - Urdu Ghazal By Mohsin Naqvi



mohsin naqvi urdu poetry

Mile Hawaaon Main - Ghazal By Waseem Barelvi



Mile hawaaon main urne ki ye saza yaron
Main zameen k rishton se kat gaya yaron

Wo bekhayal musafir, main rasta yaron
Kahan tha bas main mere us ko rokna yaron

Mere qalam pe zamne ki gard aise thi
K apne bare main kuch bhi na likh saka yaron

Jo beshumar dilon ki nazar main rehta tha
Wo apne bachon ko ek ghar na desaka yaron

Janab-e-“Meer” Ki khud gharziyun main
Miyan “Waseem” k kehne ko kya bacha yaron

Main Is Umeed Per - Ghazal By Famous Poet Waseem Barelvi

Waseem Barelvi


Main is umeed pe dooba k tu bacha lega
Ab is k baad mera imtehaan kya lega

Ye aik mela hai waada kisi se kya lega
Dhalega din to har ik apna rasta lega

Main bujh gaya to hamesha ko bujh hi jaonga
Koi chiragh nahi hon jo phir jala lega

Kaleja chahiye dushman se dushmani k lye
Jo be amal hai wo badla kisi se kya lega

Hazar tor k aa jaon us se rishta "Waseem"
Main janta hon wo jab chahega bula lega

Friday, January 28, 2011

Tum Ajeeb larki Ho - Designed Urdu Nazam


urdu nazam urdu poetry

Wussat e dasht e hijr - Nice Ghazal By Wasi Shah



Wussat-e-Dasht-e-Hijr Dekh K Dar Jata Hon
Tujh Say Agy Ka Safar Dekh K Dar Jata Hon

Roz Dhalty Howey Suraj Ki Tarha, Sham Gaye
Main Bhi ek Dard K Darya Main Utar Jata Hon

Wo Bhi Chup Chup Si Kahin Baith K Roti Ho Gi
Main Bhi Raton Ko Zara Dair Se Ghar Jata Hon

Main Ne Bhi Jurm-E-Baghawat K Sitam Jhiley Hain
Main Bhi Ab Log Jidhar Jayen Udhar Jata Hon

Chal Para Hon Main Zamany K usolon Pe "WASI"
Main Bhi Ab Apni hi Baton Sy Mukar Jata Hon

Khirki Chand Kitaab Or Main - Urdu Poem


Khirki Chand Kitaab Or Main

Muddat Se Ik Baab Or Main

Shab Bhar Khelen Apas Main

Do Ankhen, Ik Khuab Or Main

Mauj Or Kashti Sahil Per

Darya Main Gardaab Or Main

Sham, Udaasi, Khamoshi

Kuch Kankar Talaab Or Main

Har Shab Pakre Jaate Hain

Gehri Neend, Kitaab Or Main

Thursday, January 27, 2011

Jab Joban Tera Dhal Jaye - Beautiful Urdu Poem


Jab Joban Tera Dhal Jaye

Jab Pyar Ki Umer Niakl Jaye

Jab Chor De Tujh Ko Husn Tera

Jab Chehra Pur Ho Jhurion Se

Jab Zulf Ke Kham Na Baqi Hun

Jab Rangat Na ho Galon Mein

Jab Chandni Utare Balon Me

Jab Ankh Ki Masti Toot Chuke

Jab Hont Bhi Surkhi Kho Jaein

Jab chor Dein Tujh Ko Sub Sathi

Jab Koi Na Tujh Ko Apnaye

Tab.!
Mere Pas Chale Aana

"Basti" Ki Suni Galion Main

Ek Betha Ho Ga Deewana

Jo Pyar Ka Paras Pathar Hai

Jo Tujh Ko Sona Ker De ga.!

Tere Joban Ko Woh Kia Jane?

Teri Umer Se Us Ka Kia Matlab?

Tere Jism Se Us Ka Kia Rishta?

Jisay Kehte Ho Tum Harjayi

Hai Tere Naam Ka wo Shedayi..

Kaha Us Ne- Urdu Nazam By Qateel Shifai



qateel shifai urdu poetry

Ab K Hum Bichre To Shayad - Urdu Ghazal By Ahmed Faraz




ahmed faraz ghazal

Dhondti Phir Rahi Hon Kab - Designed Urdu Poem



designed urdu poetry

Tuesday, January 25, 2011

Kahin Tar-e-Daman Gul Mile - Urdu Ghazal By Ahmed Faraz



ahmed faraz urdu ghazal



Ussi Tarah Se Har Ik Zakham - Parween Shakir Ghazal

Parween Shakir


parween shakir urdu poetry


Qissa Abhi Hijaab Se - Urdu Ghazal


Qissa abhi hijab se aage nahi barha
Main aap, wo janaab se aage nahi barha

Muddat hue Kitaab-e-muhabbat shuru kiye
Lakin main pehle baab se aage nahi barha

Lambi musafaten hain magar is sawaar ka
Paaon abhi raqaab se aage nahi barha

Toul-e-Kalaam k lye main ne kiye sawaal
Wo mukhtasar jawaab se aage nahi barha

Rukhsaar ka pata nahi aankhen to khoob hain
Dedaar abhi naqaab se aage nahi barha

Monday, January 24, 2011

Tere Ishq Ki Inteha Chahta Hon By Allama Iqbal



Tere ishq ki inteha chahta hon
Mere saadgi dekh kya chahta hon

Sitam ho k ho wada-e-behijabi
Koi baat sabar aazma chahta hon

Ye jannat Mubarak rahe zahidon ko
K main aap ka saamna chahta hon

Koi dam ka mehmaan hon, ay ehel-e-mehfil
Chiragh-e-sehar hon bhuja chahta hon

Bhari bazm main raaz ki baat kehdi
Bara beadab hon, saza chahta hon

Kon Kehta Hai K Maut - Ahmed Naseem Qasmi Ghazal



Kon kehta hai k maut aaye to marjaonga
Main to darya hon, samandar main utar jaonga

Tera dar chor k main or kidher jaonga
Ghar main ghir jaonga, sehra main bikhar jaonga

Tere pehlu se jo uthonga to mushkil ye hai
Sirf ik shaks ko paonga jidher jaonga

Ab tere shehar main aonga, musafir ki tarah
Saya-e-Abar ki manind guzar jaonga

Charah sazon se alag hai mere mayaar k main
Zakhm khaonga to kuch or sanwar jaonga

Zindagi shamma ki manind jalata hon “Nadeem”
Bujh to jaonga magar subha to karjaonga

Beautiful Ashaar By Several Famous Urdu Poets

Several Poets

Syed Zameer Jafri
Arsa Hua Wo Zulf Pareshan Nahi Dekhi
Muddat Hue, Nazron Se Gulistan Nahi Guzre

Syed Abdul Hameed Adam
Tu Milta Hai Hamen Lakin Nehayat Ajnabiyat Se
Ise Ay Dost Tarz-e-Waqfiyat To Nahi Kehte

Syed Abdul Hameed Adam
Zara Aage Chaloge To Izafa Ilm Main Hoga
Muhabbat Pehle Pehle Be Zarar Mehsoos Hoti Hai

Faiz Ahmed Faiz
Qatal K Waqt Tarapne Pe Roth Gaya Qatil
Khoon Dora Hua Jaata Hai Manane K Lye

Faiz Ahmed Faiz
Gulon Main Rung Bhare Baad-e-Nau Bahaar Chale
Chale Bhi Aao K Gulshan Ka Karobaat Chale

Shad Amar Tisri
Yun Ja Raha Hon Jese, Na Aoonga Phir Kabhi
Mur Mur K Dekhti Hai Mere Rah Guzar Mujhay

Saif Ullah Saif
Fiza Ki Aahaton Per Kanpti Hain Pattiyan Gul Ki
Bikharne Ko Hai Ab Zulf-e-Baharaan, Hum Na Kehte The

Haider Qureshi
Murjha Chuke Hain Phool Teri Yaad K Magar
Mehsoos Ho Rahi Hai Ajab Taazgi Mujhay

Nadeem
Na Ye Taqdeer Ka Likha Tha Na Mansha-e-Khuda
Haadse Mujh Pe Jo Guzre Mere Halaat Main The

Bharkayen Mere Piyas - Mohsin Naqvi Ghazal



mohsin naqvi poetry

Hum Ko To Gardish-e-Halaat - Sad Urdu Ghazal



Hum ko to gardish-e-Halaat pe rona aaya
Rone wale, tujhay kis baat pe rona aaya

Jee nahi, ap se kya hum ko shikayat hogi
Haan mujhay talkhi-e-halaat pe rona aaya

Kitne betaab the rim jhim main piyenge lakin
Aaye barsaat, to barsaat pe rona aaya

Husn ne apni jafa pe bahaye aanso
Ishq ko apni shikayaat pe rona aaya

Kitne anjaan hain k saadgi se pochte hain
Kahiye! Kya mere kisi baat pe rona aaya

Aw’wal aw’wal to ik aah nikal jaati thi
Aakhir aakhir to mulakaat pe rona aaya

“Saif” ye din to qayamat ki tarah guzra hai
Jane kya baat thi, har baat pe rona aaya

Sunday, January 23, 2011

In Jheel Si Gehri Ankhon Main - Urdu Poetry, Video Ghazal




Voice
Salman Naqvi

Un Jheel Si Gehri Ankhon - Designed Ghazal By Amjad Islam Amjad

Amjad Islam Amjad

Ghazal

urdu shayari amjad islam amjad