Abhi Is Taraf Na Nigah Kar - Poem


Abhi Is Taraf Na Nigah Kar,
Main Ghazal Ki Palkein Sanwaar Loon
Mera Lafz Lafz Ho Ayena
Tujhe Aainey Mein Utaar Loon
Main Tamam Shab Ka Thaka Hua
Tu Tamam Shab Ka Jaga Hua,
Zara Theher Ja Isi Mour Par
Tere Sath Sham Guzaar Loon
Agar Aasman Ki Numaishon Mein
Mujhe bhi Izn-e-Qayam Ho
To Main Motiyon Ki Dukaan Se
Teri baliaan Tere Haar Loon
Kuch Ajnabi Tere Sheher k
Mere Paas Se Yun Guzar Gaye
Unhe Dekh Kar Ye Tarap Hui
Tera Naam Le k Pukaar Loon

Comments