Urdu Shairy | Urdu Ghazals | Famous Poets | Love Poetry

Blog Of Urdu Poetry Contain Urdu Ghazals, Love Shayari, Sad Urdu Poetry, Romantic Urdu Poetry, And Famous Urdu Hindi Poetry By Famous Pakistani And Indian Poets.

Sunday, February 20, 2011

Urdu Nazam - Hawa Thami Thi Zaror Lakin


Hawa Thami Thi Zaroor Lekin,
Wo Shaam Jesy Sisak Rahi Thi
K Zard Patton Ko Aandhiyun Ne Ajeeb Qissa Suna Dia Tha
K Jis Ko Sun Kar Tamam Pattay
Sisak Rahe The
Bilak Rahe The
Janae Kis Sanehe K Ghum Main
Shajar Jaron Se Ukhar Chuke The
Bohat Talasha Tha Hum Ne Tumko
Har Aik Rasta, Har Aik Waadi
Har Aik Parbat, Har Aik Ghaati
Kahin Se Teri Khabar Na Ayi
To Ye Keh K Hum Ne Dil Ko Tala
Hawa Thame Gi To Dekh Lain Ge
Hum Us K Raston Ko Dhoond Lain Ge
Magar Hamari Ye Khush Khayali
Jo Hum Ko Barbaad Kar Gaye Thi
Hawa Thami Thi Zaroor Lekin
Bari Hi Mud'dat Guzar Chuki Thi
Hamare Balon K Jungalon Main
Safaid Chandi Utar Chuki Thi
Falak Pe Taray Nahi Rah The
Gulaab Pyare Nahi Rahe The
Wo Jin Se Basti Thi Dil Ki Basti
Wo Loog Saare Nahi Rahe The
Ye Almiya Sab Se Baalatar Tha
K Hum Tumhare Nahi Rahe The
K Tum Hamare Nahi Rahy the
Hawa Thami Thi Zaroor Lekin
Bari Hi Mud'dat Guzar Chuki Thi

0 comments:

Post a Comment